समाचार
अन्तर्गत ६ महिनादेखि ५९ महिनासम्म उमेर समूहका ५ वर्ष मुनिका कुपोषित बालबालिकाहरूलाई लक्षित गरी बालरोग विशेषज्ञद्वारा निःशुल्क तौल तथा उचाइ मापन, पोषण अवस्था जाँच तथा कुपोषण पहिचान चेकजाँच कार्यक्रम
बारबर्दिया नगरपालिका अन्तर्गत ६ महिनादेखि ५९ महिनासम्म उमेर समूहका ५ वर्ष मुनिका कुपोषित बालबालिकाहरूलाई लक्षित गरी बालरोग विशेषज्ञद्वारा निःशुल्क तौल तथा उचाइ मापन, पोषण अवस्था जाँच तथा कुपोषण पहिचान चेकजाँच कार्यक्रम सञ्चालन गरिएको छ।
कुपोषणमा परेका सबै बालबालिकालाई प्रतिव्यक्ति करिब रु. २,००० बराबरको पोषण कोशेली वितरण गरिएको छ।
उक्त कार्यक्रमको उद्घाटन बारबर्दिया नगरपालिकाका नगरप्रमुख श्री छविलाल थारु ज्यूबाट सम्पन्न भएको हो। कार्यक्रममा नगरपालिकाले बालबालिकाको पोषण सुधारका लागि निरन्तर रूपमा प्रभावकारी कार्यक्रमहरू सञ्चालन गर्दै आएको प्रतिबद्धता व्यक्त गरिएको छ।
यस कार्यक्रमको सफल कार्यान्वयनमा आड्रा जापान तथा आड्रा नेपालको प्राविधिक सहयोग तथा वातावरण तथा ग्रामीण विकास केन्द्र (इन्रुडेक) को महत्वपूर्ण योगदान रहेको हुँदा सम्बन्धित सबै संस्थाप्रति हार्दिक आभार व्यक्त गर्दछौं।
